കൊറോണ വ്യാപനവുമായി ബന്ധപ്പെട്ട് ചൈന വിവരങ്ങൾ മറച്ചുവെക്കുകയാണെന്ന ആരോപണവുമായി ജർമ്മനി. കൊറോണ വൈറസിനെ കുറിച്ച് ചൈന കൈമാറുന്ന വിവരങ്ങൾ സുതാര്യമായിരിക്കണമെന്ന് ജർമ്മൻ ചാൻസലർ ആംഗല മെർക്കൽ ആവശ്യപ്പെട്ടു. യഥാർഥ വിവരങ്ങൾ ലോകത്തെ അറിയിക്കാൻ ചൈന കൂടുതൽ സുതാര്യ സമീപനം സ്വീകരിക്കണം. വൈറസ് ഉത്ഭവത്തെ കുറിച്ചും ആദ്യഘട്ട വ്യാപനത്തെ കുറിച്ചും ചൈന വ്യക്തമാക്കുമെന്ന് വിശ്വസിക്കുന്നുവെന്നും മെർക്കൽ പറഞ്ഞു. മധ്യ ചൈനീസ് നഗരമായ വുഹാനിൽ നിന്നാണ് വൈറസ് പടർന്നതെന്ന് ചൈന പറയുന്നു. ഇതിെൻറ ആദ്യ ദിവസങ്ങളെക്കുറിച്ച് കൂടുതൽ വിവരങ്ങൾ പങ്കുവെക്കണമെന്നാണ് മെർക്കൽ ആവശ്യപ്പെട്ടത്.
