ഇന്ത്യയ്ക്കെതിരായ ഒന്നാം ക്രിക്കറ്റ് ടെസ്റ്റില്‍ ഓസ്ട്രേലിയയ്ക്ക് എട്ട് വിക്കറ്റിന്‍റെ തകര്‍പ്പന്‍ ജയം. വിജയലക്ഷ്യമായ 90 റണ്‍സ് ഓസീസ് രണ്ടു വിക്കറ്റുകള്‍ നഷ്ടപ്പെടുത്തി മറികടന്നു. ഓപ്പണര്‍ ജോണ്‍ ബേണ്‍സ് പുറത്താകാതെ നേടിയ അര്‍ധ സെഞ്ചുറിയാണ് (51) ജയം അനായാസമാക്കിയത്. ജയത്തോടെ നാല് മത്സര പരമ്ബരയില്‍ ഓസീസ് മുന്നിലെത്തി.
നേരത്തെ രണ്ടാം ഇന്നിംഗ്സില്‍ തകര്‍ന്നടിഞ്ഞ ഇന്ത്യ 36 റണ്‍സില്‍ ഓള്‍ഒൗട്ടായിരുന്നു. ഇന്ത്യയുടെ ടെസ്റ്റിലെ ഏറ്റവും ചെറിയ സ്കോറാണിത്. ഒരു വിക്കറ്റിന് ഒന്‍പത് റണ്‍സ് എന്ന നിലയില്‍ മൂന്നാം ദിനം ബാറ്റിംഗ് തുടങ്ങിയ ഇന്ത്യയ്ക്ക് അവിശ്വസിനീയ തകര്‍ച്ചയാണ് നേരിട്ടത്. ഒരു ബാറ്റ്സ്മാന് പോലും രണ്ടക്കം കടക്കാന്‍ കഴിഞ്ഞില്ല. മൂന്ന് പേര്‍ പൂജ്യത്തിന് പുറത്തായി. ഒന്‍പത് റണ്‍സ് നേടിയ ഓപ്പണര്‍ മായങ്ക് അഗര്‍വാളായിരുന്നു ടോപ്പ് സ്കോറര്‍.
ഒന്‍പത് വിക്കറ്റുകള്‍ നഷ്ടമായതിന് പിന്നാലെ മുഹമ്മദ് ഷമി പരിക്കേറ്റ് പി·ാറിയതും ഇന്ത്യയ്ക്ക് തിരിച്ചടിയായി. എട്ട് റണ്‍സ് വഴങ്ങി അഞ്ച് വിക്കറ്റുകള്‍ കൊയ്ത ജോഷ് ഹേസില്‍വുഡും 21 റണ്‍സിന് നാല് വിക്കറ്റ് വീഴ്ത്തിയ പാറ്റ് കമ്മിന്‍സും ചേര്‍ന്നാണ് ഇന്ത്യയെ എറിഞ്ഞിട്ടത്.
സ്കോര്‍: ഇന്ത്യ ഒന്നാം ഇന്നിംഗ്സ് 244, രണ്ടാം ഇന്നിംഗ്സ് 36. ഓസ്ട്രേലിയ ഒന്നാം ഇന്നിംഗ്സ് 191, രണ്ടാം ഇന്നിംഗ്സ് 93/2. ആദ്യ ഇന്നിംഗ്സില്‍ പുറത്താകാതെ 73 റണ്‍സ് നേടിയ ഓസീസ് നായകന്‍ ടിം പെയിന്‍ മാന്‍ ഓഫ് ദ മാച്ചായി. പരമ്ബരയിലെ രണ്ടാം മത്സരം ഡിസംബര്‍ 26ന് മെല്‍ബണില്‍ തുടങ്ങും.
