ദുബായില് വനിത ബാഡ്മിന്റണ് ടൂര്ണമെന്റ് തുടങ്ങുന്നു. സെപ്റ്റംബര് 19 മുതല് 26 വരെയാണ് ടൂര്ണമെന്റ്. ദുബായ് വേള്ഡ് ട്രേഡ് സെന്ററില് നടക്കുന്ന സ്പോര്ട്സ് വേള്ഡിനോടനുബന്ധിച്ച് സംഘടിപ്പിക്കുന്ന പരിപാടിയില് രണ്ടു കാറ്റഗറിയിലായി 32 ടീമുകള് പങ്കെടുക്കും. സ്വദേശി, പ്രവാസി താരങ്ങള് പങ്കെടുക്കും.
ദുബായ് സ്പോര്ട്സ് കൗണ്സിലിന്റെ വെബ്സൈറ്റിലൂടെ അപേക്ഷിക്കാം. ആദ്യം രജിസ്റ്റര് ചെയ്യുന്ന 32 പേര്ക്കാണ് അവസരം. മാസങ്ങളായി കായികലോകം അടഞ്ഞുകിടക്കുന്നതിനാല് കൂടുതല് പേര്ക്ക് പ്രോത്സാഹനം നല്കുന്നതിനാണ് ടൂര്ണമെന്റ് സംഘടിപ്പിക്കുന്നത്.