ബഹ്റൈനിൽ നിയമം ലംഘിച്ച് പ്രവർത്തിക്കുന്ന 1604 ലേബർ ക്യാമ്പുകൾ പരിശോധനയില് കണ്ടെത്തിയതായി പൊതുമരാമത്ത്, മുനിസിപ്പല്, നഗരാസൂത്രണ മന്ത്രി ഇസാം ബിന് അബ്ദുല്ല ഖലഫ് വ്യക്തമാക്കി. മുനിസിപ്പല് ടീമിെൻറ നേതൃത്വത്തിലാണ് നാലു ഗവര്ണറേറ്റുകളിലും പരിശോധന നടത്തിയത്. 1049 ലേബര് ക്യാമ്പുകള്ക്ക് നോട്ടീസ് നല്കിയിട്ടുണ്ട്.
നാലു മുനിസിപ്പാലിറ്റികളും കേന്ദ്രീകരിച്ച് പ്രത്യേക ടീം കഴിഞ്ഞ ആറു മാസത്തിനുള്ളില് രൂപവത്കരിച്ചിരുന്നു. മന്ത്രാലയം നിഷ്കര്ഷിച്ചിട്ടുള്ള മാനദണ്ഡങ്ങള് പാലിക്കാത്ത സ്ഥാപനങ്ങള്ക്കെതിരെ നടപടി സ്വീകരിക്കാനും നീക്കമുണ്ട്. സിവില് ഡിഫന്സ് വിഭാഗം, വൈദ്യുതി, ജലകാര്യ അതോറിറ്റി എന്നിവ നിഷ്കര്ഷിക്കുന്ന മാനദണ്ഡങ്ങള് പാലിച്ചാണ് ലേബര് ക്യാമ്പുകള് പ്രവര്ത്തിക്കേണ്ടത്.