ഇന്റര്നെറ്റ് ഉപയോഗിക്കുന്ന കുട്ടികളുടെ സംരക്ഷണം ഉറപ്പാക്കുന്നതിന് രാജ്യവ്യാപകമായി ആദ്യത്തെ പദ്ധതിയുമായി അബുദാബി ഏര്ലി ചൈല്ഡ്ഹുഡ് അതോറിറ്റി. സോഷ്യല് നെറ്റ്വര്ക്കിങ് സൈറ്റുകളും ആപ്ലിക്കേഷനുകളും ഇലക്ട്രോണിക് ഗെയിമുകളും ഉപയോഗിക്കുന്ന കുട്ടികളുടെ സുരക്ഷ ഉറപ്പാക്കാനാണിത്. ഇന്റര്നെറ്റിലൂടെ കുട്ടികള് അഭിമുഖീകരിച്ചേക്കാവുന്ന ഭീഷണികളും അപകടസാധ്യതകളും നേരിടാന് സമഗ്രമായ മാര്ഗനിര്ദേശം നല്കുകയാണ് ലക്ഷ്യം. ഇന്റര്നെറ്റ് ദുരുപയോഗം ചെയ്യുന്നതില്നിന്ന് കുട്ടികളെ സംരക്ഷിക്കുന്നതിന് മാതാപിതാക്കളുടെ പങ്ക് പ്രോത്സാഹിപ്പിക്കാനും അതോറിറ്റി ശ്രമിക്കുന്നു.
കുട്ടികള് നേരിടുന്ന സൈബര് ഭീഷണിയും ദുരുപയോഗം ചെയ്യുന്ന ഇലക്ട്രോണിക് ഗെയിമുകളും മറ്റും ശരിയായി കൈകാര്യം ചെയ്യാനും റിപ്പോര്ട്ട് ചെയ്യാനുമുള്ള മാര്ഗങ്ങളും പരിശീലിപ്പിക്കും. നിശ്ചയദാര്ഢ്യ വിഭാഗത്തില്പെട്ട കുട്ടികള്ക്ക് അവരുടെ വിദ്യാഭ്യാസ സാമൂഹിക വിനോദ ആവശ്യങ്ങള് നിറവേറ്റുന്നതിന് ഇന്റര്നെറ്റ് നല്കുന്ന സൗകര്യങ്ങളും അവതരിപ്പിക്കും. ഈ കാലഘട്ടത്തില് വിദൂര പഠനപ്രക്രിയകള് സുഗമമാക്കുന്നതിന് ഇന്റര്നെറ്റ് വളരെയധികം സഹായിക്കുന്നു. Www.eca.gov.ae എന്ന ലിങ്ക് വഴി അതോറിറ്റിയുടെ രക്ഷാകര്തൃ പ്ലാറ്റ്ഫോം സന്ദര്ശിച്ച് അതോറിറ്റി നല്കുന്ന മാർഗ്ഗ നിര്ദേശങ്ങൾ മുഴുവൻ രക്ഷിതാക്കളും മനസ്സിലാക്കണം.