കേരളത്തിലെ 7 ജില്ലകള് പൂര്ണ്ണമായി അടച്ചിടാന് തീരുമാനിച്ചുവെന്ന വാര്ത്ത വാസ്തവ വിരുദ്ധമാണ്. കേരളത്തിലെ 7 ജില്ലകളിലും പുതുതായി ഒരു നിയന്ത്രണവും ഏര്പ്പെടുത്തുന്നതിന് സംസ്ഥാന സര്ക്കാര് തീരുമാനിച്ചിട്ടില്ല. എന്നാല് നേരത്തേ ഏര്പ്പെടുത്തിയിട്ടുള്ള നിയന്ത്രണങ്ങള് കര്ശനമായി പാലിക്കുന്നതിനുള്ള നിര്ദേശങ്ങള് നല്കിയിട്ടുമുണ്ട്. കേന്ദ്രങ്ങളിൽ നിന്നുള്ള നിർദ്ദേശങ്ങൾ മാത്രമാണിത്.
കാസര്ഗോഡ് ജില്ലയിലെ പ്രത്യേക സാഹചര്യം കണക്കിലെടുത്ത് ആ ജില്ലയില് കൂടുതല് നിയന്ത്രണങ്ങള് ഏര്പ്പെടുത്തുന്നതിനുള്ള നടപടികള് സ്വീകരിക്കും.
അതേ സമയം എല്ലാവരും സാമൂഹിക അകലം പാലിക്കണമെന്ന് ആരോഗ്യ മന്ത്രി കെ.കെ.ശൈലജ ടീച്ചർ പറഞ്ഞു.
രോഗബാധിത പ്രദേശങ്ങളില് നിന്നും വന്നവര് നിര്ബന്ധമായും വീട്ടില് നിരീക്ഷണത്തില് കഴിയേണ്ടതാണ്. ഒരു കാരണവശാലും വീടുവിട്ട് പുറത്തിറങ്ങുകയോ മറ്റുള്ളവരോട് ഇടപഴകുകയോ ചെയ്യരുത്. അത് മറ്റുള്ളവരിലേക്ക് രോഗം പകരുകയും സമൂഹത്തിലേക്ക് വളരെപ്പെട്ടന്ന് പടരുകയും ചെയ്യും. അതിനാല് തന്നെ എല്ലാവരും ജാഗ്രതയോടെയിരിക്കണം. അത്തരക്കാര്ക്കെതിരെ കര്ശന നടപടി സ്വീകരിക്കുന്നതാണെന്നും മന്ത്രി കെ.കെ. ശൈലജ ടീച്ചര് വ്യക്തമാക്കി.