മഹാരാഷ്‌ട്ര, ഗുജറാത്ത്, തമിഴ്നാട് സംസ്ഥാനങ്ങളില്‍ കോവിഡ് രോഗ വ്യാപനം അതിരൂക്ഷം. 24 മണിക്കൂറിനിടെ മഹാരാഷ്ട്രയില്‍ മാത്രം 12,608 പേര്‍ക്കാണ് രോഗം സ്ഥിരീകരിച്ചത്. ഇതോടെ സംസ്ഥാനത്തെ രോഗബാധിതരുടെ എണ്ണം 5,72,734 ആയി. 364 മരണങ്ങളാണ് 24 മണിക്കൂറിനിടെ മഹാരാഷ്ട്രയിലുണ്ടായത്. സംസ്ഥാനത്ത് നാല് ലക്ഷത്തിലധികം പേര്‍ രോഗമുക്തിനേടിയത് ആശ്വാസകരമാണ്.
തമിഴ്നാട്ടില്‍ 24 മണിക്കൂറിനിടെ 5,890 പേര്‍ക്കാണ് രോഗം സ്ഥിരീകരിച്ചത്. 24 മണിക്കൂറിനിടെ 117 പേര്‍ മരിച്ചുവെന്നാണ് ആരോഗ്യമന്ത്രാലയത്തിന്‍റെ കണക്ക്. സംസ്ഥാനത്ത് ഇതുവരെ 3.26 ലക്ഷം പേര്‍ക്ക് രോഗംബാധിച്ചിട്ടുണ്ട്. 5,514 പേര്‍ ഇതുവരെ രോഗബാധയേറ്റ് മരിച്ചു. ഗുജറാത്തില്‍ വെള്ളിയാഴ്ച 1,087 പേര്‍ക്കാണ് രോഗം ബാധിച്ചത്. ഇതോടെ രോഗബാധിതരുടെ എണ്ണം 76,569 ആയി. 2,748 പേരാണ് ഇതുവരെ മരിച്ചത്.
