യു.എ.ഇയില്‍ കോവിഡ് വാക്സിനെടുക്കാന്‍ ആശുപത്രികളില്‍ വന്‍ തിരക്ക്. വ്യാഴാഴ്ച തുടങ്ങിയ വാക്സിന്‍ വിതരണം അവധി ദിവസങ്ങളിലാണ് കൂടുതല്‍ സജീവമായത്. അതേസമയം, സ്വകാര്യ ആശുപത്രിയിലും ഇന്നലെ വിതരണം തുടങ്ങി.
വി.പി.എസിന്റെ ആശുപത്രികളിലാണ് വിതരണം. ജബല്‍ അലിക്ക് സമീപം വാക്സിന്‍ വിതരണം ചെയ്യുന്ന ദുബൈ പാര്‍ക്കിന് മുന്നിലും ഫീല്‍ഡ് ആശുപത്രിക്ക് മുന്നിലും വാഹനങ്ങളുടെ നീണ്ടനിരയായിരുന്നു. മണിക്കൂറുകള്‍ വരിനിന്ന ശേഷമാണ് വാക്സിനെടുക്കാന്‍ കഴിഞ്ഞത്. ദുബൈ പൊലീസാണ് ഇവരെ നിയന്ത്രിച്ച്‌ സൗകര്യമൊരുക്കിയത്. ഒരേസമയം 40 വാഹനങ്ങളാണ് ഉള്ളിലേക്ക് അനുവദിച്ചത്. മൂന്ന് മണിക്കൂര്‍ കാത്തുനിന്ന ശേഷമാണ് പലര്‍ക്കും വാക്സിന്‍ ലഭിച്ചത്.
