ലണ്ടന്: അര്ജന്റൈന് ഫുട്ബോള് താരം പൗലോ ഡിബാലയ്ക്ക് കോവിഡ്- 19 സ്ഥിരീകരിച്ചു. മുന് ഇറ്റാലിയന് ക്യാപ്റ്റന് പൗലോ മല്ദീനിക്കും വൈറസ് ബാധ സ്ഥിരീകരിച്ചിട്ടുണ്ട്.
ഡിബാല തന്നെയാണ് വൈറസ് ബാധ സംബന്ധിച്ച വിവരം ഇന്സ്റ്റഗ്രാമിലൂടെ പുറംലോകത്തെ അറിയിച്ചത്. തനിക്കും കാമുകി ഓറിയാനക്കും വൈറസ് ബാധിച്ചുവെന്നും എന്നാല് രണ്ടും പേരുടെയും ആരോഗ്യനില തൃപ്തികരമാണെന്നുമായിരുന്നു ഡിബാലയുടെ പോസ്റ്റ്.
എസി മിലാന്റെ ടെക്നിക്കല് ഡയറക്ടര് കൂടിയായ മാല്ദീനിയ്ക്കും അദ്ദേഹത്തിന്റെ മകനും ഒരേ ദിവസമാണ് കോവിഡ് സ്ഥിരീകരിച്ചത്.ഇരുവരുടെയും ആരോഗ്യനില തൃപ്തികരമാണെന്ന് ക്ലബ് അധികൃതര് അറിയിച്ചു