വരുന്ന 10 ദിവസത്തേക്ക് ദുബായ് ഇന്റർനാഷണൽ വിമാനത്താവളത്തിൽ വൻതിരക്ക് ഉണ്ടാകുമെന്ന് അധികൃതർ. ഒക്ടോബർ 21 മുതൽ 30 വരെ 21 ലക്ഷം യാത്രികരാണ് വിമാനത്താവളത്തിൽ എത്തുന്നത്.
അതായത് ദിവസവും ശരാശരി 2.15 ലക്ഷം പേർ എത്തുമെന്നാണ് കരുതുന്നത്. യു.എ.ഇയിലേക്ക് എത്തുന്ന സഞ്ചാരികളുടെ എണ്ണം കൂടുന്നതും യു.എ.ഇയിലെ അമേരിക്കൻ, ബ്രിട്ടീഷ് കരിക്കുല്ലം സ്കൂളുകൾക്ക് മിഡ് ടേം അവധി തുടങ്ങുന്നതും തിരക്ക് കൂടാൻ കാരണമായി.ഈ സാഹചര്യത്തിൽ വിമാനത്താവളത്തിൽ എത്തുന്നവർ കഴിവതും തിരക്കിൽപെടാതെ ശ്രദ്ധിക്കണമെന്ന് അധികൃതർ അറിയിച്ചു.
തിരക്ക് ഒഴിവാക്കാൻ ശ്രദ്ധിക്കേണ്ട കാര്യങ്ങൾ:
വിമാനത്താവളത്തിലേക്ക് പുറപ്പെടുന്നതിന് മുൻപേ രേഖകളെല്ലാമുണ്ടെന്ന് ഉറപ്പാക്കുക
യാത്ര സംബന്ധമായ മുന്നറിയിപ്പുകൾ കൃത്യ സമയത്ത് ശ്രദ്ധിക്കുക
12 വയസിന് മുകളിലുള്ളവർ സ്മാർട്ട് ഗേറ്റ് സംവിധാനം ഉപയോഗിക്കുക
ടെർമിനൽ-1 യാത്രക്കാർ നിർബന്ധമായും മൂന്ന് മണിക്കൂർ മുൻപ് എത്തണം
കഴിവതും ഓൺലൈൻ ചെക്ക് ഇൻ സംവിധാനം പ്രയോജനപ്പെടുത്തണം
ടെർമിനിൽ മൂന്നിൽ എമിറേറ്റ്സ് എയർലെൻസിന്‍റെ സെൽഫ് ചെക്ക് ഇൻ സംവിധാനം ഉപയോഗിക്കുക
ബാഗേജിന്‍റെ ഭാരം നിശ്ചിത അളവിലും കൂടിയിട്ടില്ലെന്ന് ഉറപ്പാക്കുക.
ട്രാഫിക് കുരുക്ക് ഒഴിവാക്കാൻ ദുബൈ മെട്രോയുടെ സേവനം പ്രയോജനപ്പെടുത്തുക
ടെർമിനൽ 3ന്‍റെ ആഗമന മേഖലയിലേക്ക് പൊതുഗതാഗത വാഹനങ്ങൾക്കും അധികൃതരുടെ വാഹനങ്ങൾക്കും മാത്രമായിരിക്കും പ്രവേശനം.
