ദുബൈ എയര്‍ ഷോ വീണ്ടും എത്തുന്നു. നവംബര്‍ 14 മുതല്‍ 18 വരെയാണ് ലോകത്തിലെ ഏറ്റവും വലിയ എയറോസ്പേസ് എക്സിബിഷനായ എയര്‍ഷോ അരങ്ങേറുന്നത്.കോടിക്കണക്കിന് ദിര്‍ഹമിന്റെ വ്യാപാര ഇടപാടുകള്‍ നടക്കുന്ന എയര്‍ഷോയില്‍ ഇക്കുറി 1200 സ്ഥാപനങ്ങള്‍ പ്രദര്‍ശനവുമായെത്തും.
ആളില്ലാവിമാനങ്ങള്‍, യാത്രാചരക്കുവിമാനങ്ങള്‍, വിമാനത്താവളങ്ങളിലെ സംവിധാനങ്ങള്‍, വ്യോമനിരീക്ഷണ സാങ്കേതിക വിദ്യകള്‍ എന്നിവയെക്കുറിച്ചുള്ള സമഗ്രവിവരങ്ങള്‍ ലഭ്യമാക്കുന്ന പഠനഗവേഷണമേള കൂടിയാണിത്. ശില്‍പശാലകള്‍, ക്ലാസുകള്‍ എന്നിവയും ഇതോടൊപ്പം ഉണ്ടാകും.ഇത് കൂടുതല്‍ വിനോദസഞ്ചാരികളെ രാജ്യത്തേക്ക് ആകര്‍ഷിക്കും. കൂടാതെ ദുബായ് വിമാനത്താവളം പൂര്‍ണപ്രവര്‍ത്തന സന്നദ്ധതയിലേക്കും നീങ്ങുകയാണ്.
