ദുബായ് – അല്ഐന് റോഡിന്റെ നിര്മാണം 60 ശതമാനം പൂര്ത്തിയായതായി ആര്.ടി.എ അറിയിച്ചു. റാസല് ഖോര് റോഡ്, ശൈഖ് മുഹമ്മദ് ബിന് സായിദ് റോഡ്, ശൈഖ് സായിദ് ബിന് ഹംദാന് ആല് നഹ്യാന് റോഡ്, എമിറേറ്റ്സ് റോഡ് എന്നിവയുമായി ബന്ധിപ്പിക്കുന്ന രീതിയിലാണ് നിര്മാണം പുരോഗമിക്കുന്നത്. നിര്മാണം പൂര്ത്തിയാകുന്നതോടെ റോഡിന്റെശേഷി ഇരട്ടിയായി വര്ധിക്കും.
നിലവില് മണിക്കൂറില് 6000 വാഹനങ്ങള്ക്ക് പോകാവുന്ന സ്ഥാനത്ത് ഇത് 12,000 ആയി ഉയരും. ബുകദ്ര ജങ്ഷനില് നിന്ന് എമിറേറ്റ്സ് റോഡിലേക്കുള്ള യാത്രസമയം 16 മിനിറ്റില് നിന്ന് എട്ട് ആയി കുറയും.15 ലക്ഷം പേര്ക്ക് റോഡ് വികസനം ഉപകാരപ്പെടും.ദുബൈ സിലിക്കണ് ഒയാസിസ്, അക്കാദമിക് സിറ്റി എന്നിവിടങ്ങളിലേക്കുള്ള യാത്രക്കാര്ക്കും ഗുണകരമാകും.