2022ഓടെ ദുബൈയിലെ സാമ്ബത്തിക രംഗത്ത് 3.4 ശതമാനം വളര്‍ച്ച ഉണ്ടാകും. ദുബൈ കിരീടാവകാശിയും എക്സിക്യൂട്ടീവ് കൗണ്‍സില്‍ ചെയര്‍മാനുമായ ശൈഖ് ഹംദാന്‍ ബിന്‍ മുഹമ്മദ് ബിന്‍ റാശിദ് ആല്‍ മക്തൂമാണ് ഇക്കാര്യം അറിയിച്ചത്. മഹാമാരിയെ ദുബൈ വിജയകരമായി മറികടന്നതായും അദ്ദേഹം ട്വിറ്ററില്‍ വ്യക്തമാക്കി.
ദുബൈ സമ്ബദ് വ്യവസ്ഥ ഈ വര്‍ഷം 3.1 ശതമാനവും അടുത്തവര്‍ഷം 3.4 ശതമാനവുമായി ഉയരും. വ്യക്തമായ ലക്ഷ്യങ്ങള്‍, അതിവേഗത്തിലുള്ള നടപടികള്‍, നിക്ഷേപം പ്രോല്‍സാഹിപ്പിക്കുന്നതിനും പ്രതിഭകളെ ആകര്‍ഷിക്കുന്നതിനുമുള്ള നടപടികള്‍, ക്രിയാത്മകമായ ആശയങ്ങള്‍ എന്നിവയെല്ലാം വികസന യാത്രയിലെ പ്രധാന ഘടകങ്ങളാണ്. ആഗോള സാമ്ബത്തിക തലസ്ഥാനമെന്ന ദുബൈയുടെ പദവി ഊട്ടിയുറപ്പിക്കുന്നതാണ് ഇവയെല്ലാം എന്നും അദ്ദേഹം ട്വിറ്ററില്‍ കുറിച്ചു.
