ദുബായില് വാട്ടര് പാര്ക്കുകളും തുറക്കുന്നു. നാലു മാസമായി അടഞ്ഞുകിടന്ന പാര്ക്കുകള് ആദ്യ ഘട്ടത്തില് ഭാഗികമായാണ് തുറക്കുന്നതെന്ന് ദുബായ് ടൂറിസം വകുപ്പ് അറിയിച്ചു. കര്ശനമായ മാനദണ്ഡങ്ങള് പാലിച്ചാണ് പാര്ക്കുകളില് പ്രവേശനം അനുവദിക്കുക.
അതേസമയം, കുട്ടികളുടെ കളിസ്ഥലങ്ങള് തല്ക്കാലം തുറക്കില്ല. 12 വയസില് താഴെയുള്ള കുട്ടികള്ക്ക് മാളുകളിലും പാര്ക്കുകളിലും കായിക പരിശീലനകേന്ദ്രങ്ങളിലും വിലക്ക് തുടരുന്നതിനാലാണിത്. ഈ വിലക്ക് നീങ്ങുന്നതിനനുസരിച്ച് പാര്ക്കുകളിലെ കൂടുതല് റൈഡുകള് തുറക്കും.നേരത്തെ, തീയറ്റര്, ബീച്ചുകള്, സ്വിമ്മിംഗ് പൂള്, ജിംനേഷ്യം തുടങ്ങിയവ തുറന്നിരുന്നു. ഞായറാഴ്ച മുതല് സര്ക്കാര് ഓഫീസുകളും സാധാരണ രീതിയില് പ്രവര്ത്തനം തുടങ്ങിയിട്ടുണ്ട്.