ദുബായില്‍ അതിവേഗ ‘റോപ്വേ’ സംവിധാനം വരുന്നു.മണിക്കൂറില്‍ 45 കിലോമീറ്റര്‍ വേഗതയില്‍ സഞ്ചരിക്കുന്ന റോപ്വേ സംവിധാനമാണ് ദുബൈയില്‍ ആവിഷ്കരിക്കുന്നത്. ഫ്രഞ്ച് കമ്ബനിയായ എംഎന്‍ഡിയുടെ കാബ്ലൈന്‍ സംവിധാനമാകും നടപ്പിലാക്കുന്നത്.
പൂര്‍ണമായും ഓട്ടോമാറ്റിക് ആയ ഡ്രൈവര്‍രഹിത രീതിയാണിത്. പദ്ധതിയുടെ പ്രാഥമികഘട്ട പഠനത്തിനും പ്രവര്‍ത്തനങ്ങള്‍ക്കുമുള്ള ധാരണാപത്രമാണ് ഒപ്പുവച്ചിരിക്കുന്നത്. നിലവില്‍ ഷാര്‍ജയില്‍ റോപ്വേ ഗതാഗത സംവിധാന പദ്ധതി പരീക്ഷണാടിസ്ഥാനത്തില്‍ ആരംഭിച്ചിട്ടുണ്ട്.
