ദുബായിലെ ഏറ്റവും വലിയ ബാങ്കായ എമിറേറ്റ്സ് എൻബിഡി ഈ ആഴ്ച നൂറുകണക്കിന് തൊഴിലാളികളെ വെട്ടിക്കുറച്ചു. എമിറേറ്റ്സ് എൻബിഡി അതിന്റെ 10 ശതമാനം ജീവനക്കാരെ വെട്ടിക്കുറയ്ക്കുകയാണെന്നും ഇത് പ്രകാരം 800 ഓളം ആളുകൾക്ക് ജോലി നഷ്ടപ്പെടുമെന്നും വൃത്തങ്ങൾ അറിയിച്ചു. സ്വകാര്യ ബാങ്കിംഗ് വിഭാഗത്തിൽ നിന്നും എമിറേറ്റ്സ് എൻബിഡിയുടെ മറ്റ് ഭാഗങ്ങളിൽ നിന്നുമുള്ള ജീവനക്കാർ ഇതിൽ ഉൾപ്പെടുമെന്നും അറിയിച്ചു.
കൊറോണ വൈറസ് മൂലം കുറഞ്ഞ എണ്ണവിലയും മുമ്പുണ്ടായിരുന്ന സാമ്പത്തിക വെല്ലുവിളികളും കാരണം യുഎഇയിലെ വെല്ലുവിളി നിറഞ്ഞ പ്രവർത്തന അന്തരീക്ഷം മൂലം ആദ്യ പാദത്തിൽ ലാഭം ഇടിഞ്ഞതായി ബാങ്ക് റിപ്പോർട്ട് ചെയ്തിരുന്നു.