ദുബൈ എക്സ്പോയുടെ സന്ദേശം ആകാശം വഴിയും ലോകത്തെ അറിയിക്കും. ദുബൈയുടെ വിമാന കമ്ബനിയായ എമിറേറ്റ്സ് എയര്‍ലൈന്‍സിന്‍റെ വിമാനങ്ങള്‍ സീയു ദേര്‍ എന്ന സന്ദേശവാചകവുമായി പറക്കും. ഒക്ടോബര്‍ ഒന്നിന് ആരംഭിക്കുന്ന എക്സ്പോയിലേക്ക് ലോക രാജ്യങ്ങളില്‍ നിന്ന് വന്‍തോതില്‍ സന്ദര്‍ശകര്‍ എത്തിച്ചേരുമെന്നാണ് പ്രതീക്ഷ.
പ്രത്യേകം ഡിസൈന്‍ ചെയ്ത എ 380 വിമാനമാണ് ഇതിനായി പറക്കുക. ‘സീ യൂ ദേര്‍’ എന്ന് രേഖപ്പെടുത്തിയ വിമാനം പച്ച, ഓറഞ്ച്, പര്‍പ്പിള്‍,, ചുവപ്പ് തുടങ്ങി 11 നിറങ്ങളിലാണ് ഡിസൈന്‍ ചെയ്തിരിക്കുന്നത്. എക്സ്പോയുടെ ഭാഗമായി മാറാനുള്ള സന്ദേശവും വിമാനം നല്‍കുന്നുണ്ട്. വിമാനചിറകുകളുടെ ചുവടെയുള്ള എന്‍ജിന്‍ കൗളുകളില്‍ എക്സ്പോയുടെ തീയതിയും കുറിച്ചിരിക്കുന്നു. എമിറേറ്റ്സിന്‍റെ പ്രചാരണത്തിനായി ബുര്‍ജ ഖലീഫയുടെ മുകളില്‍ ഷൂട്ട് ചെയ്ത് വൈറലായ എയര്‍ഹോസ്റ്റസിന്‍റെ ചിത്രവും പതിച്ചിട്ടുണ്ട്. ലോസ് ആഞ്ചല്‍സിലേക്കാണ് ആദ്യം വിമാനം പറക്കുക.
മൂന്ന് വിമാനങ്ങളാണ് എക്സ്പോക്കായി രൂപം മാറ്റുന്നത്. എമിറേറ്റ്സിന്‍റെ സംഘം തന്നെയാണ്പൂര്‍ണമായും പെയിന്‍റിങും ഡിസൈനിങ്ങും ചെയ്തത്. വിമാനം പൂര്‍ണമായും പെയിന്‍റ് ചെയ്തിട്ടുണ്ട്. 16 ദിവസംകൊണ്ടാണ് വിമാനത്തെ എക്സ്പോക്കായി അണിയിച്ചൊരുക്കിയത്.
