സൗദിയിലെ വിവിധ പ്രവിശ്യകളില്‍ നിയമ ലംഘകരെ കണ്ടെത്താന്‍ പൊലീസ് പരിശോധന ശക്തമാക്കുന്നു. കഴിഞ്ഞ രണ്ടു മൂന്ന് ദിവസങ്ങളിലായി കിഴക്കന്‍ പ്രവിശ്യയുടെ വിവിധ ഭാഗങ്ങളില്‍ നടന്ന പരിശോധനയില്‍ നൂറുകണക്കിനാളുകള്‍ പിടിയിലായി.ഖത്വീഫ്, റാക്ക, ദമ്മാം സെന്‍ട്രല്‍, ഖലീജ് എന്നിവിടങ്ങളിലാണ് പ്രധാനമായും പരിശോധന നടന്നത്.
നിയമലംഘകരെന്ന് കണ്ടെത്തിയ നൂറുകണക്കിന് ആളുകളാല്‍ നാടുകടത്തല്‍ കേന്ദ്രം നിറഞ്ഞു. ഗാര്‍ഹിക തൊഴില്‍ വിസകളിലെത്തിയിട്ട് മറ്റു ജോലി ചെയ്യുന്നവര്‍, ഇഖാമയുടെ കാലാവധി കഴിഞ്ഞവര്‍, ഹുറൂബില്‍ അകപ്പെട്ടവര്‍ എന്നിവരെയാണ് പ്രധാനമായും പിടികൂടുന്നത്.
