എസ്എസ്എല്സി, പ്ലസ്ടു, സര്വലാശാല പരീക്ഷകള് അടക്കം എല്ലാം മാറ്റി
തിരുവനന്തപുരം: കൊറോണയുടെ പശ്ചാത്തലത്തില് സംസ്ഥാനത്തെ എല്ലാ പരീക്ഷകളും മാറ്റിവെച്ചു. എസ്എസ്എല്സി, പ്ലസ്ടു, സര്വകലാശാല പരീക്ഷകള് ഉള്പ്പെടെ മാറ്റിവെയ്ക്കാനാണ് തീരുമാനം. മുഖ്യമന്ത്രി വിളിച്ച് ചേര്ത്ത ഉന്നതതലയോഗത്തിലാണ് തീരുമാനം. ഇനി നടക്കാനിരിക്കുന്ന പരീക്ഷകളെല്ലാമാണ് മാറ്റിയത്.
കൊറോണ വൈറസിന്റെ സാമൂഹിക വ്യാപനത്തിന്റെ സാധ്യത നിലനില്ക്കുന്നതിനാല് മുന്കരുതലിന്റെ ഭാഗമായാണ് സംസ്ഥാനത്തെ എല്ലാ പരീക്ഷകളുടെ മാറ്റിവെയ്ക്കാന് വെള്ളിയാഴ്ച ചേര്ന്ന ഉന്നതതലയോഗത്തില് തീരുമാനമായത്.
രാജ്യത്തെ എല്ലാ പരീക്ഷകളും മാറ്റിവെയ്ക്കാനുള്ള കേന്ദ്രം നിര്ദേശം വന്നിട്ടും കേരളത്തില് മുന്നിശ്ചയിച്ച പ്രകാരം പരീക്ഷകള് നടത്താനായിരുന്നു വ്യാഴാഴ്ച വൈകുന്നേരം വരെ സംസ്ഥാന സര്ക്കാര് തീരുമാനം.അതേസമയം, നിലവില് നടക്കുന്ന എസ്എസ്എല്സി, പ്ലസ് ടു പരീക്ഷകള് മാറ്റിവെക്കേണ്ട സാഹചര്യം സംസ്ഥാനത്തില്ലെന്ന് പൊതുവിദ്യാഭ്യാസ ഡയറക്ടര് അറിയിച്ചു. സംസ്ഥാനത്തെ സര്വകലാശാല പരീക്ഷകള്ക്കും മാറ്റമില്ല. എസ്എസ്എല്സി പരീക്ഷ മാറ്റിവെക്കേണ്ടതില്ലെന്ന് മന്ത്രിസഭാ യോഗത്തിലും തീരുമാനമുണ്ടായിരുന്നു.