റമദാന്‍ ചന്ദ്രക്കല 2021 ഏപ്രില്‍ 12 ന് യുഎഇ സമയം വൈകുന്നേരം 6.31 ന് ദൃശ്യമാകുമെന്ന് മന്ത്രാലയം അറിയിച്ചു. അതിനാല്‍, റമദാന്‍ ഏപ്രില്‍ 13 ചൊവ്വാഴ്ച ആരംഭിക്കുമെന്നാണ് പ്രതീക്ഷിക്കുന്നത്. തീയതികള്‍ ചന്ദ്രക്കല ദൃശ്യമാകുന്നതിനെ അനുസരിച്ചായിരിക്കും.
അതേസമയം, അടുത്ത രണ്ട് വര്‍ഷത്തെ പൊതു അവധികള്‍ യുഎഇ നേരത്തെ പ്രഖ്യാപിച്ചിരുന്നു. 2021, 2022 വര്‍ഷങ്ങളില്‍ യുഎഇയിലെ പൊതു, സ്വകാര്യ മേഖലകള്‍ക്ക് ബാധകമായ അവധി ദിന കലണ്ടറിന് യുഎഇ വൈസ് പ്രസിഡന്റും പ്രധാമന്ത്രിയും ദുബായ് ഭരണാധികാരിയുമായ ശെയ്ഖ് മുഹമ്മദ് ബിന്‍ റാശിദ് അല്‍ മക്തൂമിന്റെ അധ്യക്ഷതയില്‍ നടന്ന ക്യാബിനറ്റ് യോഗമാണ് അംഗീകാരം നല്‍കിയത്.
രാജ്യത്തെ സ്ഥാപനങ്ങള്‍ക്ക് തങ്ങളുടെ പ്രവര്‍ത്തന പദ്ധതികള്‍ തയ്യാറാക്കുന്നതിനും വിവിധ മേഖലകളില്‍ പ്രവര്‍ത്തിക്കുന്നവര്‍ക്ക് അവധി ദിനങ്ങള്‍ ചെലവഴിക്കുന്നതിനായുള്ള ഒരുക്കങ്ങള്‍ മുന്‍കൂട്ടി നടത്തുന്നതിനുമായാണ് രണ്ടു വര്‍ഷത്തെ അവധിദിനങ്ങള്‍ മുന്‍കൂട്ടി പ്രഖ്യാപിച്ചിരിക്കുന്നത്. പുതിയ കലണ്ടര്‍ പ്രകാരമുള്ള അവധി ദിനങ്ങള്‍ ഇങ്ങനെ:
2021ലെ അവധി ദിനങ്ങള്‍
ജനുവരി 1 – പുതുവര്‍ഷാരംഭം
1442 റമദാന്‍ 29 മുതല്‍ ശവ്വാല്‍ 3 വരെ – ചെറിയ പെരുന്നാള്‍
ദുല്‍ഹിജ്ജ 9 – അറഫ ദിനം
ദുല്‍ഹിജ്ജ 10 മുതല്‍ 12 വരെ – ബലി പെരുന്നാള്‍
ഓഗസ്റ്റ് 12- ഹിജ്റ പുതുവര്‍ഷാരംഭം (1443 മുഹര്‍റം 1)
ഒക്ടോബര്‍ 21 – നബിദിനം
ഡിസംബര്‍ 1 – സ്മരണ ദിനം
ഡിസംബര്‍ 2, 3 – യുഎഇ ദേശീയ ദിനം
2022ലെ അവധി ദിനങ്ങള്‍
ജനുവരി 1 – പുതുവര്‍ഷാരംഭം
1443 റമദാന്‍ 29 മുതല്‍ ശവ്വാല്‍ 3 വരെ – ചെറിയ പെരുന്നാള്‍
ദുല്‍ഹിജ്ജ 9 – അറഫ ദിനം
ദുല്‍ഹിജ്ജ 10 മുതല്‍ 12 വരെ – ബലി പെരുന്നാള്‍
ജൂലൈ 30 – ഹിജ്റ പുതുവര്‍ഷാരംഭം
ഒക്ടോബര്‍ 8 – നബിദിനം
ഡിസംബര്‍ 1 – സ്മരണ ദിനം
ഡിസംബര്‍ 2, 3 – യുഎഇ ദേശീയ ദിനം.
