യുഎഇ യിൽ പല ഭാഗത്തും ആളുകളുടെ കൂട്ടവും തിരക്കും സംബന്ധിച്ച് അധികൃതർക്ക് റിപ്പോർട്ടുകൾ ലഭിച്ചതിനെത്തുടർന്ന് മന്ത്രാലയം മുന്നറിയിപ്പ് നൽകി. കോവിഡ് -19 മുൻകരുതൽ നടപടികൾ ലംഘിച്ച് പിടിക്കപ്പെട്ടവർക്ക് വലിയ പിഴ ചുമത്തുമെന്ന് ഉന്നത ഉദ്യോഗസ്ഥർ മുന്നറിയിപ്പ് നൽകി. ഫെയ്‌സ് മാസ്കുകൾ നിർബന്ധമായും ഉപയോഗിക്കുക, സാമൂഹിക അകലം പാലിക്കുക, ഒത്തുചേരലുകൾ ഒഴിവാക്കുക തുടങ്ങിയ നടപടികളെയാണ് മന്ത്രാലയം പരാമർശിച്ചത്.
കഴിഞ്ഞ രണ്ടാഴ്ചയായി ഷോപ്പിംഗ് സെന്ററുകളിലും മറ്റ് പൊതുസ്ഥലങ്ങളിലും ആളുകൾ തിങ്ങിക്കൂടുന്നതായി അധികൃതർക്ക് റിപ്പോർട്ടുകൾ ലഭിച്ചതായി യുഎഇ സർക്കാരിന്റെ വക്താവ് ഡോ. അംന അൽ ദഹക് അൽ ഷംസി തിങ്കളാഴ്ച വെർച്വൽ പത്രസമ്മേളനത്തിൽ പറഞ്ഞു. “വാണിജ്യ കേന്ദ്രങ്ങൾക്കും മറ്റ് പൊതുസ്ഥലങ്ങൾക്കും നിയന്ത്രണങ്ങളിൽ ഇളവ് വരുത്തിയിട്ടുണ്ട്. എല്ലാവരും എല്ലാ മുൻകരുതൽ നിർദ്ദേശങ്ങളും കർശനമായി പാലിക്കേണ്ടതുണ്ട്”
കോവിഡ് -19 പ്രതിസന്ധിയുടെ തുടക്കം മുതൽ യുഎഇ യിൽ പ്രായമായവർക്കും ചില വിഭാഗങ്ങൾക്കും വിട്ടുമാറാത്ത രോഗങ്ങളാൽ ബുദ്ധിമുട്ടുന്നവർക്കും സംരക്ഷണം നൽകുന്നതിന് മുൻഗണന നൽകുന്നുണ്ട്” അവർ പറഞ്ഞു.
