കുവൈത്തില് സെപ്റ്റംബര് ഒന്നിനുശേഷം ഇഖാമ കാലാവധി കഴിഞ്ഞവര്ക്ക് പ്രതിദിന പിഴ ചുമത്തുന്നു. ഇഖാമ കാലാവധി കഴിഞ്ഞവര്ക്ക് നവംബര് 30 വരെ സ്വഭാവിക എക്സ്റ്റന്ഷന് അനുവദിച്ചിരുന്നു. പ്രത്യേക അപേക്ഷ നല്കാതെ തന്നെ സ്വാഭാവിക എക്സ്റ്റന്ഷന് നല്കുന്ന സംവിധാനമായിരുന്നു പ്രാബല്യത്തിലാക്കിയത്.
സെപ്റ്റംബര് 1 ന് ശേഷം ഇത് അനുവദിക്കുന്നില്ല. മാനുഷിക പരിഗണനവെച്ചും താമസകാര്യ ഓഫിസില് കൂടുതല് ആളുകള് ഒത്തുകൂടി തിരക്കുണ്ടാവുന്നത് ഒഴിവാക്കാനുമാണ് വിസ കാലാവധി നീട്ടിനല്കിയത്. ആഭ്യന്തര മന്ത്രാലയത്തിന്റെ വെബ്സൈറ്റ് വഴി ഓണ്ലൈനായും താമസകാര്യാലയത്തില് നേരിട്ടെത്തിയും വിസ പുതുക്കാവുന്നതാണ്.
ഇത് ഉപയോഗപ്പെടുത്താതെ സ്വാഭാവിക എക്സ്റ്റെന്ഷന് പ്രതീക്ഷിച്ചിരുന്നവരാണ് വെട്ടിലായത്. സെപ്റ്റംബര് ഒന്നിന് ശേഷമുള്ള ഓരോ ദിവസത്തിനും രണ്ട് ദീനാര് വീതം പിഴ അടക്കേണ്ടി വരും. സെപ്റ്റംബര് ഒന്നിന് മുമ്ബ് വിസ കാലാവധി കഴിഞ്ഞവര്ക്ക് നവംബര് 30 വരെ സ്വാഭാവിക എക്സ്റ്റെന്ഷന് നല്കിയിട്ടുണ്ട്.