യു.എ.ഇയുടെ ചൊവ്വ പര്യവേക്ഷണ പേടകമായ ഹോപ്പ് പ്രോബ് ആദ്യ ചിത്രം പുറത്തുവിട്ടു. യാത്ര തുടങ്ങി രണ്ട് ദിവസം പോലും തികയുന്നതിന് മുൻപാണ് ചൊവ്വയുടെ ചിത്രം പുറത്തുവിട്ടത്. യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന് റാശിദ് ആല് മക്തൂമാണ് ട്വിറ്ററിലൂടെ ഈ വിവരം അറിയിച്ചത്.ലക്ഷക്കണക്കിന് കിലോമീറ്റര് അകലെ നിന്ന് ഹോപ്പ് പ്രോബ് ചുവന്നഗ്രഹത്തിന്റെ ചിത്രം അയച്ചിരിക്കുകയാണെന്ന് ശൈഖ് മുഹമ്മദ് ട്വിറ്ററിൽ കുറിച്ചു.പേടകത്തിലെ ക്യാമറ ട്രാക്കിങ് സംവിധാനം ഉപയോഗിച്ചാണ് ലക്ഷ്യസ്ഥാനത്തിെന്റെ ചിത്രം പകര്ര്ത്തിയിരിക്കുന്നതെന്നും അദ്ദേഹം പറഞ്ഞു. ഏഴ് മാസത്തെ യാത്രക്കൊടുവില് 2021 ഫെബ്രുവരിയില് ഹോപ്പ് ചൊവ്വ പ്രവേശനം നടത്തുമെന്നാണ് കരുതുന്നത്.