മൂന്ന് വർഷത്തിന് ശേഷം വീണ്ടും ഇടുക്കി ഡാം തുറന്നു. ഡാമിൽ നിന്ന് സെക്കന്ഡില് പുറത്തേക്ക് ഒഴുകുന്നത് ഒരു ലക്ഷം ലിറ്റര് വെള്ളമാണ് . രാവിലെ 11-ന് ചെറുതോണി ഡാമിന്റെ മൂന്ന് ഷട്ടറുകള് 35 സെന്റിമീറ്റര് വീതം തുറന്ന് സെക്കന്ഡില് 100 ഘനമീറ്റര് അളവില് വെള്ളമാണ് ഒഴുക്കുന്നത്. പെരിയാര് തീരങ്ങളിലുള്ളവര് ജാഗ്രത പാലിക്കാന് ജില്ലാ ഭരണകൂടം നിര്ദേശിച്ചു.എല്ലാവരും ജാഗ്രത പാലിക്കണമെന്നും ഏത് അടിയന്തര സാഹചര്യവും നേരിടാന് ജില്ലാ ഭരണകൂടം തയാറണെന്നും ഷീബ ജോര്ജ് അറിയിച്ചു. ഇടുക്കിയിലെ വെള്ളം വൈകിട്ട് നാലുമണിയോടെ ആലുവ, കാലടി മേഖലയിലെത്തും. 2018നെ അപേക്ഷിച്ച് പത്തിലൊന്നു വെള്ളം മാത്രമാകും പുറത്തേക്കൊഴുക്കുക.
നിലവില് ഡാമിലെ ജലനിരപ്പ് 2397.96 അടി എത്തിയിട്ടുണ്ട്. 1992 നവംബര് 17നാണ് അഞ്ചുഷട്ടറുകളും ആദ്യമായി തുറന്നത്.