യുഎഇയില് ചൈനീസ് വാക്സിനായ സിനോഫാം ഉപയോഗിച്ച് മൂന്ന് മുതല് 17 വയസ് വരെയുള്ള കുട്ടികളില് കൊവിഡ് വാക്സിന്റെ ഫലപ്രാപ്തി പരിശോധിക്കുന്നു. ‘ഇമ്മ്യൂണ് ബ്രിഡ്ജ് സ്റ്റഡി’ക്കാണ് യുഎഇ ആരോഗ്യ – പ്രതിരോധ മന്ത്രാലയം തുടക്കം കുറിച്ചിരിക്കുന്നത്.
കുട്ടികളില് വാക്സിന്റെ ഫലപ്രാപ്തി പരിശോധിക്കുന്നതിനുള്ള പരീക്ഷണങ്ങള് ആദ്യമായി യുഎഇയിലാണ് നടക്കുന്നത്. പഠനത്തിന്റെ ഫലം ലഭ്യമാവുന്നതിനനുസരിച്ച് പ്രസിദ്ധീകരിക്കുമെന്ന് അധികൃതര് അറിയിച്ചു.വിവിധ രാജ്യക്കാരായ 900 കുട്ടികളില് വാക്സിന് കാരണമായി രൂപപ്പെടുന്ന രോഗ പ്രതിരോധശേഷി പഠന വിധേയമാക്കുകയാണ് ലക്ഷ്യം.