ഇന്ത്യയില്‍ പ്രതിദിന കോവിഡ് ടെസ്റ്റുകളുടെ എണ്ണം വര്‍ധിപ്പിച്ചതായി കേന്ദ്ര ആരോഗ്യ-കുടുംബക്ഷേമ മന്ത്രാലയം. കഴിഞ്ഞ 24 മണിക്കൂറില്‍ 661715 സാമ്പിളുകൾ പരിശോധിച്ചതായി ആരോഗ്യമന്ത്രാലയം അറിയിച്ചു. ഇത് ആദ്യമായാണ് ഒരു ദിവസത്തിൽ ഇത്രയും കോവിഡ് ടെസ്റ്റുകള്‍ രാജ്യം നടത്തുന്നത്. ഇതുവരെ 2,08,64206 സാമ്ബിളുകള്‍ പരിശോധിച്ചതായാണ് റിപ്പോര്‍ട്ട്.
പരിശോധന വര്‍ധിപ്പിക്കുക, ഫലപ്രദമായ ചികിത്സ നല്‍കുക എന്നതിനാണ് നിലവിൽ ഊന്നല്‍ നല്‍കുന്നതെന്ന് മന്ത്രാലയം ട്വീറ്റ് ചെയ്തു. കഴിഞ്ഞ ദിവസം രാജ്യത്ത് 52,972 പേര്‍ക്കാണ് കോവിഡ് സ്ഥിരീകരിച്ചത്. ഇതോടുകൂടി രാജ്യത്ത് കോവിഡ് രോഗികളുടെ എണ്ണം 18 ലക്ഷം കവിഞ്ഞു.
