ലോക്ക്ഡൗണ് മൂന്നാം ഘട്ടത്തില് കൂടുതല് ഇളവുകള് ഉണ്ടായേക്കുമെന്ന് സൂചന. വെള്ളിയാഴ്ചയാണ് രണ്ടാം ഘട്ട ലോക്ക്ഡൗണ് അവസാനിക്കുന്നത്. ഓഗസ്റ്റ് മുതല് പ്രാബല്യത്തില്വരുന്ന മൂന്നാം ഘട്ടത്തില് സിനിമാശാലകള് ഉള്പ്പെടെ തുറക്കാന് അനുമതിനല്കിയേക്കും. ലോക്ക്ഡൗണ് മാര്ഗനിര്ദേശങ്ങള് കേന്ദ്രസര്ക്കാര് അടുത്ത ആഴ്ച പുറത്തിറക്കും.
മൂന്നാം ഘട്ടത്തിലും സ്കൂളുകളും മെട്രോ സര്വീസുകളും പ്രവര്ത്തിക്കാന് അനുമതി ഉണ്ടാവില്ല. സ്കൂള് വിദ്യാഭ്യാസ സെക്രട്ടറി അനിത കാര്വാളിന്റെ അധ്യക്ഷതയില് മാനവ വിഭവശേഷി മന്ത്രാലയം സംസ്ഥാനങ്ങളുമായി സ്കൂളുകള് വീണ്ടും തുറക്കുന്നത് സംബന്ധിച്ച് ചര്ച്ച ചെയ്തിരുന്നു. എന്നാല് ജിമ്മുകള്ക്ക് മൂന്നാം ഘട്ടത്തില് പ്രവര്ത്തിക്കാന് അനുമതി നല്കിയേക്കുമെന്നാണ് അറിയുന്നത്.
കൃത്യമായ മാര്ഗ നിര്ദേശങ്ങള് പാലിച്ചായിരിക്കും തീയറ്ററുകള് തുറക്കാന് അനുമതി നല്കുക. ഒന്നിടവിട്ടുള്ള സീറ്റുകളില് ആളുകളെ ഇരുത്തുക. ടിക്കറ്റ് വിതരണത്തിന് ഓണ്ലൈന് സംവിധാനം. സാനിറ്റൈസര്, മാസ്ക് എന്നിവ നിര്ബന്ധമാക്കുക തുടങ്ങിയ നിര്ദേശങ്ങളാണ് തീയറ്ററുകള് തുറക്കുന്നത് സംബന്ധിച്ച് മുന്നോട്ടുവന്നിരിക്കുന്നത്.