ഐ.പി.എല്ലിലെ ബാക്കി മത്സരങ്ങള്‍ യു.എ.ഇയില്‍ തന്നെ നടത്തുമെന്ന് ബി.സി.സി.ഐ വൈസ് പ്രസിഡന്‍റ് രാജീവ് ശുക്ല. കോവിഡ് വ്യാപനത്തെ തുടര്‍ന്ന് ഇന്ത്യയില്‍ നടന്നിരുന്ന ഐ.പി.എല്‍ ടൂര്‍ണമെന്ന് താല്‍ക്കാലികമായി നിര്‍ത്തിയിരുന്നു. ഇതിന് പിന്നാലെ ടൂര്‍ണമെന്‍റ് യു.എ.ഇയിലേക്ക് മാറ്റുമെന്ന റിപ്പോര്‍ട്ടുകള്‍ പുറത്ത് വന്നിരുന്നു.
ബി.സി.സി.ഐയും ഐ.പി.എല്‍ ഗവേണിങ് കൗണ്‍സിലും ചേര്‍ന്നാണ് ഇത്തരമൊരു തീരുമാനമെടുത്തത്. സെപ്റ്റംബര്‍ 19 മുതല്‍ ഒക്ടോബര് 10 വരെയായിരിക്കും യു.എ.ഇയില്‍ മത്സരങ്ങള്‍ നടക്കുക. 31 മത്സരങ്ങളാണ് ഇനി ഐ.പി.എല്ലില്‍ നടക്കാനുള്ളത്.
നേരത്തെ രാജ്യത്ത് കോവിഡ് രണ്ടാം തരംഗം അതിരൂക്ഷമായതോടെ ഐ.പി.എല്‍ മത്സരങ്ങള്‍ താല്‍ക്കാലികമായി നിര്‍ത്തുകയായിരുന്നു. പല തവണ ഐ.പി.എല്ലിലെ ബയോ ബബിള്‍ പൊട്ടിയതും മത്സരങ്ങള്‍ നിര്‍ത്താന്‍ കാരണമായി.
