കേരളത്തിൽ ഇന്ന് കോവിഡ് സ്ഥിരീകരിച്ചത് ഒരാൾക്കു മാത്രം. കോഴിക്കോട് ജില്ലയിലാണ് രോഗബാധ. 10 പേര്ക്ക് പരിശോധനാ ഫലം നെഗറ്റീവായി. കാസര്കോട് 6, എറണാകുളം 2, മലപ്പുറം, ആലപ്പുഴ ജില്ലകളില് ഓരോരുത്തർ വീതം എന്നിങ്ങനെയാണ് ഇന്ന് പരിശോധനാ ഫലം നെഗറ്റീവായത്. ഇതുവരെ 395 പേര്ക്കാണ് രോഗം സ്ഥിരീകരിച്ചത്. അതില് 138 പേര് ചികിത്സയിലാണ്. 78,980 പേരാണ് നിരീക്ഷണത്തിലുള്ളത്. 78,454 പേര് വീടുകളിലും 526 പേര് ആശുപത്രികളിലുമാണ്. ഇന്നു മാത്രം 84 പേരെ ആശുപത്രിയില് പ്രവേശിപ്പിച്ചു. ഇതുവരെ 18,029 സാംപിളുകളാണ് പരിശോധനയ്ക്ക് അയച്ചത്. 17,279 എണ്ണത്തിൽ രോഗബാധ ഇല്ല എന്നുറപ്പാക്കി.