സംസ്ഥാനത്ത് ഇന്നു രണ്ടു പേര്ക്കു കൂടി കോവിഡ് സ്ഥിരീകരിച്ചതായി ആരോഗ്യമന്ത്രി കെ.കെ.ശൈലജ. കണ്ണൂര്, കാസർകോട് ജില്ലയിലുള്ളവര്ക്കാണ് രോഗം സ്ഥിരീകരിച്ചത്. കണ്ണൂര് ജില്ലയിലുള്ളയാള് അബുദാബിയില് നിന്നും കാസർകോട് ജില്ലയിലുള്ളയാള് ദുബായില് നിന്നും വന്നവരാണ്. സംസ്ഥാനത്ത് 13 പേര് കൂടി രോഗമുക്തി നേടി. കാസർകോട് ജില്ലയിലെ എട്ട് പേരുടെയും കണ്ണൂര് ജില്ലയിലെ മൂന്നു പേരുടെയും മലപ്പുറം, തൃശൂര് ജില്ലകളിലെ ഓരോരുത്തരുടേയും പരിശോധനാ ഫലമാണ് നെഗറ്റീവായത്.
ഇതോടെ 270 പേരാണ് ഇതുവരെ കോവിഡില് നിന്നു രോഗമുക്തി നേടിയത്. 129 പേരാണ് നിലവില് സംസ്ഥാനത്തെ വിവിധ ആശുപത്രികളില് ചികിത്സയിലുള്ളത്. വിവിധ ജില്ലകളിലായി 55,590 പേരാണ് നിരീക്ഷണത്തിലുള്ളത്. ഇവരില് 55,129 പേര് വീടുകളിലും 461 പേര് ആശുപത്രികളിലും നിരീക്ഷണത്തിലാണ്. 72 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. രോഗലക്ഷണങ്ങളുള്ള 19,351 വ്യക്തികളുടെ സാംപിൾ പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 18,547 സാംപിളുകളുടെ പരിശോധനാ ഫലം നെഗറ്റീവ് ആണ്.