61 ഇന്ത്യക്കാർ ഉൾപ്പെടെ 213 പേർക്ക് കൂടി കുവൈത്തിൽ കോവിഡ് സ്ഥിരീകരിച്ചപ്പോൾ 206 പേർ രോഗമുക്തി നേടി. പുതിയ വൈറസ് ബാധിതരോടൊപ്പം തന്നെ രോഗമുക്തി നേടുന്നവരുടെ എണ്ണവും കുതിക്കുന്നത് ആശ്വാസമാണ്. കഴിഞ്ഞ നാല് ദിവസത്തിനിടെ 514 പേർ രോഗമുക്തരായി. ഒരു ഇന്ത്യക്കാരനും ഒരു സ്വദേശിയും കൂടി മരിച്ചു. ഇതോടെ മരണം 22 ആയി. 3288 പേർക്കാണ് രാജ്യത്ത് ഇതുവരെ കോവിഡ് സ്ഥിരീകരിച്ചത്.1012 പേർ രോഗമുക്തരായി. ബാക്കി 2254 പേരാണ് ചികിത്സയിലുള്ളത്. 64 പേർ തീവ്രപരിചരണ വിഭാഗത്തിലാണ്. ഇതിൽ 30 പേരുടെ നില ഗുരുതരമാണ്
