കോവിഡ് പ്രതിരോധത്തിന് യൂറോപ്യന്‍ കമീഷന്‍ സംഘടിപ്പിച്ച കൊറോണ വൈറസ് ഗ്ലോബല്‍ റെസ്പോണ്‍സ് പരിപാടിയില്‍ കുവൈത്ത് 100 ദശലക്ഷം അമേരിക്കന്‍ ഡോളര്‍ വാഗ്ദാനം ചെയ്തു. മേയ് നാലിന് നടന്ന പരിപാടിയില്‍ വിവിധ രാജ്യങ്ങളുടെ സംഭാവന പട്ടിക കഴിഞ്ഞ ദിവസം യൂറോപ്യന്‍ യൂനിയന്‍ പുറത്തുവിട്ടു. വിര്‍ച്വല്‍ പരിപാടിയില്‍ കുവൈത്ത് അമീറിനെ പ്രതിനിധാനം ചെയ്ത് പങ്കെടുത്ത വിദേശകാര്യ മന്ത്രി ഡോ. അഹ്മദ് നാസര്‍ അല്‍ മുഹമ്മദ് അസ്സബാഹ് ആണ് ഈ പ്രഖ്യാപനം നടത്തിയത്. ലോകത്ത് നിന്നും കോവിഡ് പൂർണമായും തുടച്ചു നീക്കും വരെ അന്താരാഷ്ട്ര സമൂഹത്തോട് ചേര്‍ന്നുനിന്ന് കുവൈത്ത് പ്രവര്‍ത്തിക്കുമെന്നും ഇനിയും ആവശ്യമെങ്കില്‍ സാമ്ബത്തിക സഹായം നല്‍കുമെന്നും യൂറോപ്യന്‍ യൂനിയനിലെ കുവൈത്ത് അംബാസഡര്‍ ജാസിം അല്‍ ബുദൈവി പറഞ്ഞു.
