സൗദിയിൽ കോവിഡ് ബാധിതരുടെ എണ്ണം ഒന്നരലക്ഷം കവിഞ്ഞു. വെള്ളിയാഴ്ച 4301 പേരിൽ കൂടി വൈറസ് ബാധ സ്ഥിരീകരിച്ചതോടെ ആകെ രോഗബാധിതരുടെ എണ്ണം 150292 ആയി ഉയർന്നു. വെള്ളിയാഴ്ച 45 മരണം റിപ്പോർട്ട് ചെയ്തു. ഇതോടെ ആകെ മരണസംഖ്യ 1184 ആയി.
ജിദ്ദ (12), റിയാദ് (12), മക്ക (8), ദമ്മാം (4), മദീന (2), ഹുഫൂഫ് (2), ഖോബാർ (2), ഉനൈസ (1), മഹായീൽ (1), ഖുൻഫുദ (1) എന്നിവിടങ്ങളിൽ നിന്നാണ് മരണം റിപ്പോർട്ട് ചെയ്തത്. 24 മണിക്കൂറിനിടെ 1849 പേർ സുഖം പ്രാപിച്ചു. ഇതോടെ ആകെ 95764 പേർ രോഗമുക്തരായി. 53344 പേർ രാജ്യത്തെ വിവിധ ആശുപത്രികളിലായി ചികിത്സയിൽ കഴിയുന്നു.
