വാഷിംഗ്ടണ്‍ ഡിസി: ചൈന ലോകത്തോട് വെളുപ്പെടുത്തിയത് തെറ്റായ വിവരമെന്ന് യുഎസ് രഹസ്യാന്വേഷണ വിഭാഗത്തിന്‍റെ കണ്ടെത്തല്‍. കൊറോണ വൈറസിന്‍റെ വ്യാപ്തി ചൈനീസ് സര്‍ക്കാര്‍ മറച്ചുവെന്നും കോവിഡ് പോസിറ്റീവ് കേസുകളുടെയും മരണങ്ങളുടെയും തെറ്റായ വിവരമാണ് ചൈന ലോകത്തോട് വെളിപ്പെടുത്തിയതെന്നും യുഎസ് രഹസ്യാന്വേഷണ വിഭാഗം വ്യക്തമാക്കി. ഇത് സംബന്ധിച്ച വിശദമായ റിപ്പോര്‍ട്ട് രഹസ്യാന്വേഷണ ഏജന്‍സി വൈറ്റ് ഹൗസിന് നല്‍കി.
ചൈനയിലെ വുഹാനില്‍ നിന്നാണ് ലോക വ്യാപകമായി നാശം വിതയ്ക്കുന്ന കൊറോണ വൈറസ് പൊട്ടിപ്പുറപ്പെട്ടത്. രാജ്യത്ത് 3,323 പേര്‍ രോഗം ബാധിച്ച്‌ മരിച്ചുവെന്നും 81,620 പേര്‍ക്ക് രോഗം സ്ഥിരീകരിച്ചുവെന്നുമാണ് ചൈനീസ് സര്‍ക്കാര്‍ ഔദ്യോഗികമായി അറിയിച്ച റിപ്പോര്‍ട്ട്. എന്നാല്‍ ഈ കണക്ക് തെറ്റാണെന്നാണ് അമേരിക്കയുടെ കണ്ടെത്തല്‍
