ഇന്ന് ഒമാനിൽ 424 പേർക്ക് കൂടി കോവിഡ് 19 സ്ഥിരീകരിച്ചു. ഇതിൽ 233 പേരും വിദേശികളാണ്. ഇതോടെ രാജ്യത്തെ മൊത്തം രോഗബാധിതർ 6794 ആയി. അസുഖം സുഖപ്പെട്ടവരുടെ എണ്ണം 1821ൽ തന്നെ തുടരുകയാണ്. ചികിത്സയിലിരുന്ന രണ്ട് മലയാളികളടക്കം 32 പേർ ഇതുവരെ മരണപ്പെട്ടു. 4941 പേരാണ് നിലവിൽ അസുഖ ബാധിതരായിട്ടുള്ളത്.
പുതിയ രോഗികളിൽ 285 പേരും മസ്കത്ത് ഗവർണറേറ്റിൽ നിന്നുള്ളവരാണ്. ഇതോടെ ഇവിടെ കോവിഡ് ബാധിതർ 5173 ആയി. 907 പേരാണ് മസ്കത്തിൽ രോഗമുക്തി ലഭിച്ചവർ. മരണപ്പെട്ടവരിൽ 26 പേരും മസ്കത്തിൽ നിന്നുള്ളവരാണ്.
