കൊറോണ വൈറസ് വ്യാപനം തടയുന്നതിനായി മാർച്ച് മുതൽ നിർത്തലാക്കിയ അന്താരാഷ്ട്ര വിമാന സർവീസുകൾ പുനരാരംഭിക്കാൻ അനുവദിക്കുമെന്ന് പാകിസ്ഥാൻ വ്യോമയാന ഉദ്യോഗസ്ഥർ അറിയിച്ചു. ഗ്വാഡറും ടർബാറ്റും ഒഴികെ പാകിസ്ഥാനിലെ എല്ലാ അന്താരാഷ്ട്ര വിമാനത്താവളങ്ങളിൽ നിന്നും ദേശീയ, വിദേശ വിമാന സർവീസുകൾ സർവീസ് നടത്താൻ അനുവദിക്കുമെന്ന് സിവിൽ ഏവിയേഷൻ അതോറിറ്റി സീനിയർ ജോയിന്റ് സെക്രട്ടറി അബ്ദുൾ സത്താർ ഖോഖർ പ്രസ്താവനയിൽ പറഞ്ഞു. കൊറോണ വൈറസ് അണുബാധയുടെ തോത് ഉയർന്നിട്ടും പാക്കിസ്ഥാൻ ലോക്ക്ഡൗൺ നടപടികൾ പിൻവലിക്കുകയും ആഭ്യന്തര വിമാന സർവീസ് പുനരാരംഭിക്കുകയും ചെയ്തിരുന്നു. പാക്കിസ്ഥാനിലേക്കും പുറത്തേക്കും അന്തർ‌ദ്ദേശീയ സർവീസ് നടത്തുന്നതിന് ചില വിമാന കമ്പനികൾക്ക് ഈ സമയത്ത് ഇളവുകൾ ലഭിച്ചിട്ടുമുണ്ട്.
