ഉത്തര്‍ പ്രദേശ് പോലീസ് കോണ്‍ഗ്രസ് നേതാവ് രാഹുല്‍ ഗാന്ധിയെ അറസ്റ്റ് ചെയ്തു. ഹത്രാസില്‍ പീഡനത്തിന് ഇരയായി കൊല്ലപ്പെട്ട പെണ്‍കുട്ടിയുടെ കുടുംബത്തെ കാണാനെത്തിയ വേളയിലാണ് സംഭവം. നിരോധനാജ്ഞ പ്രഖ്യാപിച്ച പോലീസ് നടപടി ലംഘിച്ചാണ് രാഹുലും പ്രിയങ്കയും ഉള്‍പ്പെടെയുള്ള കോണ്‍ഗ്രസ് നേതാക്കള്‍ ഹത്രാസിലേക്ക് പുറപ്പെട്ടത്. വഴിയില്‍ പോലീസ് തടഞ്ഞു.
തുടര്‍ന്ന് രാഹുലും സംഘവും കാല്‍നടയായി യാത്ര തുടങ്ങി. ഇതിനിടെ വീണ്ടും പോലീസ് തടയുകയും പ്രവര്‍ത്തകര്‍ക്ക് നേരെ ലാത്തി വീശുകയും ചെയ്തു. രാഹുല്‍ ഗാന്ധിക്കും പോലീസ് അടിയേറ്റു എന്നാണ് വാര്‍ത്തകള്‍. ഉന്തും തള്ളിനുമിടയില്‍ അദ്ദേഹം നിലത്ത വീണു. പിന്നീട് പ്രവര്‍ത്തകരും പോലീസും എഴുന്നേല്‍പ്പിക്കുകയായിരുന്നു. ശേഷമാണ് പോലീസ് കസ്റ്റഡിയിലെടുത്തത്. പിന്നീട് അറസ്റ്റ് ചെയ്തുവെന്ന് എന്‍ഡിടിവി റിപ്പോര്‍ട്ട് ചെയ്തു.
