അയോധ്യയില് രാമക്ഷേത്ര നിര്മാണത്തിന് മുന്നോടിയായുള്ള ഭൂമിപൂജ ഇന്ന്. പതിനൊന്നരയ്ക്ക് തുടങ്ങുന്ന ഭൂമിപൂജ രണ്ട് മണിവരെ നീളും. പതിനൊന്ന് മണിയോടെ പ്രധാനമന്ത്രിയെത്തും. 32 സെക്കന്റ് മാത്രം ദൈര്ഘ്യമുള്ള മുഹൂര്ത്തത്തില് പ്രധാനമന്ത്രി രാമക്ഷേത്രത്തിന് തറക്കല്ലിടും. പന്ത്രണ്ട് നാല്പത്തി നാലും എട്ട് സെക്കന്റും പിന്നിടുന്ന മുഹൂര്ത്തത്തില് വെള്ളി ശില സ്ഥാപിച്ചാണ് ക്ഷേത്രനിര്മ്മാണത്തിന് പ്രധാനമന്ത്രി തുടക്കം കുറിക്കുക. 175 പേര് ചടങ്ങില് പങ്കെടുക്കും. പ്രധാനമന്ത്രിക്കൊപ്പം അഞ്ച് പേരാണ് വേദിയിലുണ്ടാവുക. ഗംഗ, യമുന, കാവേരിയടക്കമുള്ള നദികളില് നിന്നെത്തിക്കുന്ന വെള്ളവും, രണ്ടായിരം തീര്ത്ഥസ്ഥാനങ്ങളില് നിന്നുള്ള മണ്ണും ഭൂമി പൂജയ്ക്ക് വേണ്ടി അയോധ്യയിൽ എത്തിച്ചിട്ടുണ്ട്.