കോവിഡ് കേസുകള്‍ കുറയാത്ത സാഹചര്യത്തില്‍ തമിഴ്നാട്ടില്‍ ലോക്ഡൗണ്‍ ജൂണ്‍ 14 വരെ നീട്ടി. മുഖ്യമന്ത്രി എം.കെ. സ്റ്റാലിന്‍ അറിയിച്ചതാണ് ഇക്കാര്യം. കോവിഡ് പശ്ചാത്തലത്തില്‍ കഴിഞ്ഞ ദിവസം മുഖ്യമന്ത്രിയും മുതിര്‍ന്ന ഉദ്യോഗസ്ഥരുമായും കൂടിക്കാഴ്ച നടത്തിയിരുന്നു. തുടര്‍ന്നാണ് ലോക്ഡൗണ്‍ നീട്ടാന്‍ തീരുമാനമെടുത്തത്.
അതെ സമയം ലോക്ഡൗണ്‍ നീട്ടിയ സാഹചര്യത്തില്‍ സംസ്ഥാനത്ത് ചില ഇളവുകള്‍ അനുവദിക്കും. പോസിറ്റിവിറ്റി നിരക്ക് ഉയര്‍ന്ന ജില്ലകളില്‍ നിയന്ത്രണം തുടരുമെന്നും വിവരമുണ്ട് . സേലം, കരൂര്‍, നാമക്കല്‍, കോയമ്ബത്തൂര്‍, നീലഗിരി, തിരുപ്പൂര്‍, ഈ റോഡ്,, തഞ്ചാവൂര്‍, തിരുവരുര്‍, നാഗപട്ടണം, മയിലാടുതുറ എന്നീ ജില്ലകളിലാണ് നിയന്ത്രണം കടുപ്പിക്കുക. തുടര്‍ച്ചയായ 11ാം ദിവസവും തമിഴ്നാട്ടില്‍ 450 ന് മുകളില്‍ കോവിഡ് മരണം റിപ്പോര്‍ട്ട് ചെയ്തിരുന്നു. വെള്ളിയാഴ്ച 463 കോവിഡ് മരണമാണ് സംസ്ഥാനത്ത് റിപ്പോര്‍ട്ട് ചെയ്തത്. പുതുതായി 22,651 പേര്‍ക്ക് രോഗം സ്ഥിരീകരിക്കുകയും ചെയ്തിരുന്നു.
