വ്യാഴാഴ്ച രാത്രിയിലെ എക്സ്പോ ഉദ്ഘാടന ചടങ്ങില് ഏവരുടെയും മനംകവര്ന്ന പെണ്കുട്ടി ഇന്ത്യന് വംശജ. മേളയുടെ തുടക്കം മുതല് വേദിയില് നിറഞ്ഞു നിന്ന് ലോകത്തിെന്റ ശ്രദ്ധ പിടിച്ചുപറ്റിയത് മിറ സിങ് എന്ന 11വയസുകാരിയാണ്.
നാടോടിക്കഥ പറയുന്ന രീതിയില് അവതരിപ്പിച്ച പരിപാടിയില് സ്വദേശി വേശത്തിലെത്തിയ ‘വല്ല്യുപ്പ’യോടൊപ്പം കൊച്ചുമകളായ അറബിപ്പെണ്കുട്ടിയായാണ് മിറ വേഷമിട്ടത്. ദുബൈ ജെ.എസ്.എസ് സ്കൂള് ഏഴാം ക്ലാസ് വിദ്യാര്ഥിനിയായ ഇവര് ഉത്തരാഖണ്ഡ് സ്വദേശിയുടെ പുത്രിയാണ്. സ്വദേശി ബാലികമാരടക്കം നിരവധി പെണ്കുട്ടികളെ മറികടന്നാണ് ഇന്ത്യക്ക് അഭിമാനമായി മിറക്ക് അപൂര്വാവസരം ലഭിച്ചത്.
രണ്ടര മണിക്കൂറോളം നടന്ന ഉദ്ഘാടനച്ചടങ്ങില് പഴയ തലമുറയെയും പുതു തലമുറയെയും പ്രതിനിധീകരിച്ച ‘വല്ല്യുപ്പയും പെണ്കുട്ടിയും’ഇമാറാത്തിെന്റ സംസ്കാരിക അടയാളങ്ങളായ വസ്ത്ര ധാരണത്തോടെയാണ് വേദിയിലെത്തിയത്. വയോധികന് എക്സ്പോയുടെ ലോഗോക്ക് സമാനമായ പുരാതന സ്വര്ണ വള പെണ്കുട്ടിക്ക് സമ്മാനിക്കുകയും അത് അവള് ഉയര്ത്തിപ്പിടുക്കയും ചെയ്തതോടെയാണ് അല് വസ്ല് പ്ലാസയില് വര്ണവിസ്മയങ്ങള് ദൃശ്യമായത്.
അവതരണത്തിെന്റ ആദ്യ ഘട്ടത്തില് തന്നെ മിറ ഏവരുടെയും മനംകവര്ന്നു. പിന്നീട് ഉദ്ഘാടനച്ചടങ്ങിലെ ഓരോ ഘട്ടത്തിലും പെണ്കുട്ടിയുടെ സാന്നിധ്യമുണ്ടായിരുന്നു. ചിരപുതാരതനമായ സംസ്കാരത്തില് നിന്ന് ഊര്ജമുള്കൊണ്ട് പ്രതീക്ഷാ നിര്ഭരമായ നാളെയിലേക്ക് സഞ്ചരിക്കുന്ന യു.എ.ഇയുടെ പുതു തലമുറയെയാണ് മിറയുടെ കഥാപാത്രം പ്രതിനിധീകരിച്ചത്. സ്വദേശി നടന് ഹബീബ് ഗുലൂം ആണ് വല്ല്യുപ്പയായി വേഷമിട്ടത്.