എല്ലാകാലത്തും ലോകത്തെ അമ്പരപ്പിച്ച ദുബൈ വീണ്ടുമൊരു വിസ്മയവുമായെത്തുന്നു. അതിശയിപ്പിക്കുന്ന അംബരചുംബികളാലും ശിൽപ ഭംഗിയാർന്ന നിർമിതികളാലും ലോകത്തിന് മുന്നിൽ തലയുയർത്തി നിൽക്കുന്ന ദുബൈയുടെ കിരീടത്തിലേക്ക് മറ്റൊരു പൊൻതൂവലായി ദുബൈ മ്യൂസിയം ഓഫ് ഫ്യൂച്ചർ ചൊവ്വാഴ്ച തുറക്കും. 09.09.09ന് ദുബൈ മെട്രോ തുറന്നുകൊടുത്തതിന് സമാനമായി 22.02.2022നാണ് ദുബൈയുടെ അത്ഭുതച്ചെപ്പും തുറക്കുന്നത്. ഉദ്ഘാടനത്തിന് മുമ്പേ ദുബൈ നഗരവാസികളെ അമ്പരപ്പിച്ച് മ്യൂസിയത്തിലേക്ക് ബഹിരാകാശപേടകം പ്രവേശിക്കുന്ന വീഡിയോ ദുബൈ മീഡിയ ഓഫിസ് പുറത്തുവിട്ടിരുന്നു.