അബുദാബിയിലെ പുതിയ ക്വാറന്റീന്‍ നിബന്ധനകള്‍ നാളെ മുതല്‍ പ്രാബല്യത്തിലാകും. പുതിയ നിയമ പ്രകാരം വിദേശ രാജ്യങ്ങളില്‍ നിന്ന് അബുദാബിയിലെത്തുന്ന വാക്സിന്‍ സ്വീകരിച്ചവര്‍ക്ക് സെപ്‍റ്റംബര്‍ അഞ്ച് മുതല്‍ ക്വാറന്റീന്‍ ആവശ്യമില്ല. ഗ്രീന്‍ ലിസ്റ്റിലുള്ള രാജ്യങ്ങളില്‍ നിന്നും മറ്റ് രാജ്യങ്ങളില്‍ നിന്നും എത്തുന്നവര്‍ക്ക് ഇത് ബാധകമാണ്. ഒരേ വാക്സിന്റെ രണ്ട് ഡോസും സ്വീകരിച്ച്‌ 14 ദിവസമെങ്കിലും പൂര്‍ത്തിയാക്കിയവര്‍ക്കാണ് പുതിയ ഇളവ് ബാധകമാവുന്നതെന്ന് വിമാനക്കമ്ബനികള്‍ അറിയിച്ചു.
പൂര്‍ണമായി വാക്സിനെടുത്തവര്‍ ഗ്രീന്‍ ലിസ്റ്റിലുള്ള രാജ്യങ്ങളില്‍ നിന്നാണ് എത്തുന്നതെങ്കില്‍ അവര്‍ക്ക് ക്വാറന്റീന്‍ ആവശ്യമില്ല. യുഎഇയില്‍ എത്തുമ്ബോഴും പിന്നീട് ആറാം ദിവസവും കൊവിഡ് പിസിആര്‍ പരിശോധനയ്‍ക്ക് വിധേയമാവണം. ഗ്രീന്‍ ലിസ്റ്റില്‍ ഉള്‍പ്പെടാത്ത രാജ്യങ്ങളില്‍ നിന്ന് വരുന്നവര്‍ക്കും ക്വാറന്റീന്‍ ബാധകമല്ല.
