അജ്മാനില്‍ പുതുതായി പണിത ബസ്‌സ്റ്റേഷന്‍ ഉടന്‍ പ്രവര്‍ത്തനമാരംഭിക്കും. അജ്മാനിലെ ശൈഖ് മുഹമ്മദ്‌ ബിന്‍ സായിദ് സ്ട്രീറ്റിനോട്‌ അനുബന്ധിച്ച്‌ പ്രവര്‍ത്തിക്കുന്ന ഈ സ്റ്റേഷന്‍. ഒന്നരക്കോടി ദിര്‍ഹം ചെലവഴിച്ചാണ് പുതിയ സ്റ്റേഷന്‍ പണിതിരിക്കുന്നത്. ഒക്ടോബര്‍ ആദ്യം ഉദ്ഘാടനം ചെയ്യുന്നതിനുള്ള എല്ലാ തയാറെടുപ്പുകളും പൂര്‍ത്തിയാക്കി.
അജ്മാനില്‍നിന്ന് എക്സ്പോ വേദിയിലേക്ക് ദിനേന 17 ട്രിപ്പുകള്‍ ഉണ്ടായിരിക്കും. എക്സ്പോ തുടങ്ങുന്നതിനൊപ്പമാണ് സ്റ്റേഷന്‍ പ്രവര്‍ത്തനം തുടങ്ങുകയെന്നും എല്ലാ വിഭാഗങ്ങളെയും സേവിക്കുന്ന തരത്തില്‍ ആഗോള പരിപാടിയുടെ വിജയത്തിന് സംഭാവന നല്‍കുക എന്ന ലക്ഷ്യം നിറവേറ്റുകയാണ് അജ്മാന്‍ ട്രാന്‍സ്പോര്‍ട്ട് അതോറിറ്റിയെന്നും ആക്ടിങ് ഡയറക്ടര്‍ ജനറല്‍ റഷ ഖലാഫ് അല്‍ ഷംസി പറഞ്ഞു.
