37 ഇന്ത്യക്കാർ ഉൾപ്പെടെ 85 പേർക്ക് കൂടി കുവൈത്തിൽ കോവിഡ് സ്ഥിരീകരിച്ചു. രണ്ടുപേർ കൂടി മരിച്ചതോടെ രാജ്യത്തെ കോവിഡ് മരണം 11 ആയി. പുതിയ രോഗബാധിതരിൽ ഏഴുപേർ വിദേശത്തുനിന്ന് വന്ന കുവൈത്തികളും 72 പേർ നേരത്തെ വൈറസ് സ്ഥിരീകരിച്ചവരുമായി സമ്പർക്കം പുലർത്തിയവരുമാണ്. ആറുപേർക്ക് ഏതുവഴിയാണ് വൈറസ് ബാധിച്ചതെന്ന് കണ്ടെത്തിയിട്ടില്ല. ഇതോടെ കുവൈത്തിൽ കോവിഡ് സ്ഥിരീകരിച്ചവർ 2080 ആവുകയും ചെയ്തു. തിങ്കളാഴ്ച 45 പേർ ഉൾപ്പെടെ 412 പേർ രോഗമുക്തി നേടി. ബാക്കി 1657 പേരാണ് ചികിത്സയിലുള്ളത്. 46 പേർ തീവ്രപരിചരണ വിഭാഗത്തിൽ കഴിയുന്നു. ഇതിൽ 26 പേരുടെ നില ഗുരുതരമാണ്.
ആറ് കുവൈത്തികൾ, 37 ഇന്ത്യക്കാർ, എട്ട് ബംഗ്ലാദേശികൾ, എട്ട് ഈജിപ്തുകാർ, അഞ്ച് സിറിയക്കാർ, നാല് പാകിസ്ഥാനികൾ, രണ്ട് ഇറാൻ പൗരന്മാർ, ഒരു ഫലസ്തീൻ പൗരൻ, ഒരു പോർച്ചുഗീസ് പൗരൻ എന്നിവർക്കാണ് നേരത്തെ സ്ഥിരീകരിച്ചവരുമായുള്ള സമ്പർക്കത്തിലൂടെ വൈറസ് ബാധിച്ചത്.