അഫ്ഗാനില് നിന്നുള്ള 41 അഭയാര്ഥികളെ കൂടി യു.എ.ഇ സ്വീകരിച്ചു.അഫ്ഗാന് ഗേള്സ് സൈക്ലിങ് ആന്ഡ് റോബോട്ടിക് ടീമിലെ അംഗങ്ങളടക്കമുള്ളവരാണ് എത്തിയത്. മനുഷ്യാവകാശ പ്രവര്ത്തകരും കുടുംബാംഗങ്ങളും സംഘത്തിലുണ്ട്.
അബൂദബിയിലെ എമിറേറ്റ്സ് ഹ്യുമാനിറ്റേറിയന് സിറ്റിയിലാണ് ഇവരെ താമസിപ്പിക്കുക. ഇവര് അനുവാദം ലഭിക്കുന്ന മുറക്ക് കാനഡയിലേക്ക് താമസം മാറ്റാന് ഉദ്ദേശിക്കുന്നവരാണ്. സെന്റര് ഫോര് ഇസ്രായേല് ആന്ഡ് ജൂയിഷ് അഫയേഴ്സും ഇസ്ര എയ്ഡും ചേര്ന്നാണ് ഇവരെ കാബൂളില്നിന്ന് താജികിസ്താന് വഴി ഒഴിപ്പിച്ചത്.
അന്താരാഷ്ട്ര സംവിധാനങ്ങളുമായി സഹകരിച്ച് അഫ്ഗാനില്നിന്നുള്ളവര്ക്ക് അഭയമൊരുക്കുന്നതില് അഭിമാനമുണ്ടെന്ന് യു.എ.ഇ അധിൃതര് പറഞ്ഞു. താലിബാന് അധികാരമേറ്റ ശേഷം വിവിധ രാജ്യങ്ങളിലേക്ക് പുറപ്പെട്ട 9000ത്തോളം പേരെ ഇതിനകം യു.എ.ഇ മാനുഷിക പരിഗണനയില് സ്വീകരിച്ചിട്ടുണ്ട്.