നേരത്തേ യാത്ര വിലക്കിയ രാജ്യങ്ങളിലേക്ക് പോകുന്നതിന് യു.എ.ഇ പൗരന്മാർക്ക് അനുമതി. ഒമിക്രോൺ സാഹചര്യത്തിൽ യാത്രവിലക്കിയ 12 ആഫ്രിക്കൻ രാജ്യങ്ങളിലേക്കാണ് ബൂസ്റ്റർ ഡോസ് വാക്സിനെടുത്തവർക്ക് പോകാമെന്ന് ദേശീയ അടിയന്തര ദുരന്ത നിവാരണ സമിതിയും ജനറൽ സിവിൽ ഏവിയേഷൻ അതോറിറ്റിയും പ്രഖ്യാപിച്ചത്. ഞായറാഴ്ച മുതൽ തീരുമാനം പ്രാബല്യത്തിൽ വരും. കെനിയ, താൻസനിയ, ഇത്യോപ്യ, നൈജീരിയ, റിപ്പബ്ലിക് ഓഫ് കോംഗോ, ദക്ഷിണാഫ്രിക്ക, ബോട്സ്വാന, സ്വാസിലാൻഡ്, ലെസൂട്ടു, മൊസാംബിക്, നമീബിയ, സിംബാബ്വെ എന്നീ രാജ്യങ്ങളിലേക്കാണ് നേരത്തേ വിലക്കേർപ്പെടുത്തിയിരുന്നത്.