ഗ്ലോബൽ എൻറർപ്രണർഷിപ്പ് മോണിറ്റർ(ജി.ഇ.എം) പുറത്തിറക്കിയ ആഗോള സംരംഭകത്വ സൂചിക^2022ൽ യു.എ.ഇ ആഗോളതലത്തിൽ ഒന്നാം സ്ഥാനം നേടി. കഴിഞ്ഞ വർഷത്തെ റിപ്പോർട്ടിലെ നാലാം റാങ്കിങിൽ നിന്ന് മൂന്ന് സ്ഥാനങ്ങൾ വർധിച്ചാണ് നേട്ടം കൈവരിച്ചത്. സൂചികയുടെ പൊതു റാങ്കിംഗിൽ 6.8 സ്കോറോടെയാണ് യു.എ.ഇ ഏറ്റവും മുന്നിലെത്തിയത്. സർവേയിൽ സംരംഭകത്വത്തിന് ഏറ്റവും പ്രോത്സാഹജനകമായ അന്തരീക്ഷമുള്ള, ബിസിനസ് സ്ഥാപിക്കുന്നതിനും നടത്തുന്നതിനും ഏറ്റവും അനുയോജ്യ ആഗോള ലക്ഷ്യസ്ഥാനമായി യു.എ.ഇ ഉയർന്നതായും വ്യക്തമാക്കുന്നു.
