ഇന്ത്യയിലടക്കം കോവിഡ് അതിരൂക്ഷമായിരിക്കെ കോവിഡ് വാക്സിന്റെ പേറ്റന്റ് ഒഴിവാക്കാനുള്ള തീരുമാനത്തെ പിന്തുണച്ച് യു.എസും. അന്താരാഷ്ട്ര സമൂഹത്തില് നിന്ന് കടുത്ത സമ്മര്ദം ഉയരുന്നതിനിടെയാണ് പേറ്റന്റ് താല്ക്കാലികമായി ഒഴിവാക്കാനുള്ള തീരുമാനത്തെ യു.എസ് പിന്തുണച്ചത്.
ലോക വ്യാപാര സംഘടനയിലാണ് അമേരിക്ക നിലപാട് അറിയിക്കുക. ഫൈസര്, മോഡേണ കമ്ബനികളുടെ എതിര്പ്പ് കണക്കിലെടുക്കാതെയാണ് പ്രസിഡന്റ് ജോ ബൈഡന്റ് നടപടി.ഗവേഷണ കണ്ടെത്തലിന് ഇതാദ്യമായാണ് പേറ്റന്റ് വേണ്ടെന്ന നിലപാട് എടുക്കുന്നത്. ഡെമോക്രാറ്റ് അംഗങ്ങളും നൂറിലധികം രാജ്യങ്ങളും ഇക്കാര്യം ആവശ്യപ്പെട്ട് സമ്മര്ദം ചെലുത്തിയിരുന്നു. ബൗദ്ധിക സ്വത്തവാകാശം ഒഴിവാക്കുന്നതോടെ ഏത് ഉത്പാദകര്ക്കും വാക്സിന് നിര്മിക്കാനും ക്ഷാമം ഒഴിവാക്കാനും സാധിക്കും.