ബഹ്റൈനിൽ 116 പേർക്ക് കൂടി കോവിഡ് സ്ഥിരീകരിച്ചു. ഇവരിൽ 109 പേർ പ്രവാസി തൊഴിലാളികളാണ്. പുതുതായി 40 പേർ സുഖം പ്രാപിച്ചതായി ആരോഗ്യ മന്ത്രാലയം അറിയിച്ചു. ബഹ്റൈനിൽ കോവിഡ് സ്ഥിരീകരിച്ച ഇന്ത്യക്കാരുടെ എണ്ണം 616 ആയി ഉയർന്നു. ആരോഗ്യ മന്ത്രാലയം വെബ്സൈറ്റിൽ ഒടുവിൽ പ്രസിദ്ധീകരിച്ച സമ്പർക്കപ്പട്ടികയിലെ കണക്കനുസരിച്ചാണ് ഇത്. ഇതുവരെ ആറ് ഇന്ത്യക്കാരാണ് സുഖം പ്രാപിച്ചത്.
ബഹ്റൈനിൽ ഇതുവരെ 2869 പേർക്കാണ് കോവിഡ് സ്ഥിരീകരിച്ചത്. ഇവരിൽ 1370 പേർ സുഖംപ്രാപിച്ചു. 1491 പേരാണ് നിലവിൽ ചികിത്സയിൽ കഴിയുന്നത്. രാജ്യത്ത് ഏറ്റവും കൂടുതൽ രോഗം സ്ഥിരീകരിച്ചത് ഇന്ത്യക്കാർക്കാണ്. ബഹ്റൈനികളാണ് രണ്ടാം സ്ഥാനത്ത്. 571 ബഹ്റൈൻ സ്വദേശികൾക്കാണ് ഇതുവരെ രോഗം സ്ഥിരീകരിച്ചിട്ടുള്ളത്. മൂന്നാം സ്ഥാനത്തുള്ളത് ബംഗ്ലാദേശ് സ്വദേശികളാണ്. 236 ബംഗ്ലാദേശികൾക്കാണ് കോവിഡ് സ്ഥിരീകരിച്ചത്.