ഇന്ത്യയിൽ കോവിഡ് രോഗികളുടെ എണ്ണം കുത്തനേ കുറയുന്നു. കഴിഞ്ഞ 24 മണിക്കൂറിനിടെ 11,666 പേര്ക്കാണ് രോഗം ബാധിച്ചത്. രാജ്യത്തെ നിലവിലെ കോവിഡ് ബാധിതരുടെ എണ്ണം 1,73,740 ആണ്. ഏറ്റവുമധികം രോഗികള് കേരളം, മഹാരാഷ്ട്ര, കര്ണാടകം, ഉത്തര്പ്രദേശ്, ബംഗാള് എന്നീ സംസ്ഥാനങ്ങളിലാണ്. 24 മണിക്കൂറിനുള്ളില് 14,301 പേര് രോഗമുക്തരായി. പുതിയതായി 123 മരണങ്ങള് കൂടി റിപ്പോര്ട്ട് ചെയ്തതോടെ ആകെ മരണം 1,53,847 ആയി. ഇതുവരെ 1,07,01,193 പേരാണ് രാജ്യത്താകെ കോവിഡ് പോസിറ്റീവ് ആയത്.
രോഗം ഭേദമായവരുടെ ആകെ എണ്ണം 1,03,73,606 ആയി. രാജ്യത്ത് ഈ മാസം 16 മുതല് ബുധനാഴ്ച വരെ 23,55,979 പേര് കോവിഡ് പ്രതിരോധകുത്തിവയ്പ്പെടുത്തെന്ന് കേന്ദ്ര ആരോഗ്യമന്ത്രാലയം. ഇതുവരെ 19,43,38,773 സാമ്ബിളുകള് പരിശോധിച്ചത്. ബുധനാഴ്ച മാത്രം 7,25,653 സാമ്ബിളുകള് പരിശോധിച്ചതായും ഇന്ത്യന് കൗണ്സില് ഓഫ് മെഡിക്കല് റിസര്ച്ച് (ഐസിഎംആര്) അറിയിച്ചു.